المشروع القومى للنصب على الشباب www.gstmeg.com

المشروع القومى للنصب على الشباب www.gstmeg.com
المشروع القومى للنصب على الشباب www.gstmeg.com
المشروع القومى للنصب على الشباب www.gstmeg.com

قبل كده نزلنا موضوع عن المشروع القومى لإسكان الشباب لو عاوز تشاهد الموضوع اضغط هنا

فى الموضوع ده هتكلم عن السبب اللى دفعنى انى اقول على المشروع ده واسميه المشروع القومى للنصب على الشباب

انا شفت الاعلان فى الجريده يوم الاثنين شكيت فى الموضوع لعدة اسباب
اول حاجه الارقام المكتوبه هى ارقام موبايل ولا يوجد رقم ارضى
ثانى حاجه ان انا متابع جدا اخبار الشقق ازاى حاجه زى كده تنزل فجأه من غير ما حد يعلن عنها طبعا كلنا فاكرين شقق التمويل العقارى اللى الحكومة قالت عملنا وسوينا وفضلت تعيد وتزيد فى الموضوع ده دا طبعا غير الاعلام ومواقع الانترنت
المهم انا دخلت على الموقع المكتوب فى الاعلان علشان اشوف ايه النظام ده
او حاجه قولت اشوف بيانات الموقع
لقيت الموقع لسه جديد وتاريخ انشائه Update Date: 2014-03-02 07:22:39 يعنى منذ 3 شهور
وترتيب الموقع 6 مليون على العالم
المهم اتصلت بيهم على الارقام اللى المعروضه
واحده ردت عليا
وقولتلها عاوز استفسر عن الاعلان اللى نازل فى الجريده
قالت مقدم 15 الف ولو مش معاك ال 15 الف احنا متعاقدين مع بنك ابو ظبى ممكن هو يدفعهم ليك
معنى كلامها انى هاخد الشقه من غير ما ادفع مليم غير ال 300 دى اول غلطه ليها
وقالت الحق قدم بسرعه علشان اللى بيقدم فى الاول هو اللى هياخد الاول قولتها ازاى والاعلان بيقول ان فى قرعه هتحصل (تانى غلطه ليها) حست انها وقعت فى الكلام قالتلى يا افندم مينفعش اللى قدم فى 1 /6 مياخدش شقة واللى قدم فى 30/6 ياخد قولتلها 30 /6 ازاى والاعلان بيقول ان التقديم اخرة 20/6 توهت فى الكلام معايا وقالتلى على الاوراق المطلوبه وقالت حول ال 300 جنيه علشان دول مصاريف استعلام عنك والتأكد من صحة اوراقك قولت 300 جنيه كتير انتوا هتستعلموا على واحد فى الصين ضحكت وقالت ممكن اى حد يضرب اى ورقة ويقدم وياخد شقة مش من حقة قالت اعمل ايداع ل 300 جنيه وابعت اصل الوصل مع الاوراق وخلى معاك الصورة قولت وهخلى الصورة ليه طالما كده كده هتسحبوا المبلغ قالت دا يثبت انك قدمت على شقة
وفى كلام تانى حصل  وخلاصة الكلام ان دا موضوع نصب وتلاعب بأحلام الغلابة الهدف منه هو ال 300 جنيه ناس كتير نفسها فى شقة اللى مش قادر يدفع الايجار واللى عاوز يتجوز مستنى شقة من الحكومه ومش لاقى
انا عملت الموضوع ده علشان محدش يقع او يكون ضحية الموضوع نصب فى نصب
واخر الكلام حسبى الله ونعم الوكيل

مواضيع ذات صلة

مقالات 4719915843193928582

المشاركات الشائعة

item